Manifestación en Compostela

Ola familias!

Xa estaredes informados pola prensa dos recortes que nos atopamos ó comenzar o curso. En contra do publicado pola Xunta, desapareceu un importante número de docentes dos centros, ou non concederon os solicitados, coma no noso ies, sobre todo PT e AL, deixando desatendido ó alumnado máis vulnerable. Unha das zonas onde máis están a sufrir estos recortes é na costa da morte, polo que os pais estan a organizar unha chea de protestas cunha soa voz. O próximo domingo 26 de outubro sumarémonos a manifestación que sae as 12 da Alameda, en Santiago.  Esperamos vervos alí.

Reunión de inicio de curso.

Ola familias!

O próximo xoves 3 de outubro, imos ter a reunión habitual de inicio de curso. Comezará ás 19:30 en punto, no salón de usos múltiples do IES.

Falaremos de como participar no centro, das graduacións, incluida a de 4º da ESO, de como colaborar coa anpa e de todo o que xurda, dentro do tempo permitido.

Estades todos convidados.

Vémonos o xoves.

Un saúdo da Xunta Directiva.

Cafetería

 Ola familias!

Informarvos que a tres días de comezo do curso a cafetería do IES está pechada por un tema burocrátrico.

Esperan abrila canto antes, pero contade con que para o día 11 non vai a estar.

Un saúdo da xunta directiva.

Graduación 4º da ESO

Ola familias!

O pasado 25 de xuño tivemos a graduación de 4º da ESO.

Foi no Centro Cívico de Arteixo e estivo organizada por unha nai moi traballadora a quen axudamos no que puidemos.

Despois do festival os da  ANPA tiñamos uns aperitivos para todos os alí presentes.

Daquela non tivemos tempo para publicar ren, pero hoxe, nos facemos eco da recente publicación do Concello no seu Facebook sobre o acto.

Enlace a publicación do Concello.

Parabéns a todos os graduados, é un pracer acompañarvos nesta etapa das vosas vidas.

Dende a ANPA queremos agradecer ó Concello, especialmente a Cultura pola cesión das instalacións, á Concelleira de Educación pola súa implicación persoal e a todos aqueles que axudaron a que esta graduación saise adiante cun resultado  excelente, especialmente a María, por facer realidade os desexos dos rapaces, contra vento e marea.

Moitas gracias a todos.

Un saúdo da Xunta Directiva.

Graduación da 1º Promoción de Bachareles do IES Pastoriza

Ola familias!

Mañá venres, día 7, vai ter lugar a graduación da nosa primeira promoción de bachareles.

Os nosos parabéns para todo o alumnado de segundo de bacharelato, no seu día grande.

Seis cursos pasaron no centro, na etapa máis fermosa do seu crecemento persoal. Chegaron ó centro con 12 anos, uns asustados, outros encantados, e saen con 18, sentíndose as raiñas do mambo. Pasaron con nos toda esa efervescencia adolescente que tanta alegría da. Foi un pracer vervos medrar, como vos centráchedes no voso futuro, como vos implicáchedes co centro, como pelexáchedes polo que creíades xusto... Estamos moi orgullosos de vos.

Só temos unha magoa, e non é deixarvos ir, é non poder acompañarvos como soémos facer o día da graduación. Para cando nos dixestedes a data, fomos correndo a solicitar o local para o ágape, pero está todo ocupado e non podemos facelo. Unha mágoa. 

Se alguén nos tivese avisado con tempo estaríamos ahi para vos, como en anos anteriores.

Os nosos mellores desexos para todo o que está por vir. 

Ide a comervos o mundo, que é voso.

A directiva da ANPA San Miguel.

Reunión de inicio de curso

O vindeiro martes 10 de Outubro ás 20:00 horas estaremos no salón de usos múltiples do IES Pastoriza para informarvos das nosas inquedanzas relativas ao comezo de curso e coñecer tamén as vosas para que, entre todos, poidamos resolvelas e conseguir un centro educativo de calidade.

𝐋𝐄𝐌𝐁𝐑𝐀𝐃𝐄!!!

Lugar: SALÓN DE 𝑼𝑺𝑶𝑺 𝑴𝑼𝑳𝑻𝑰𝑷𝑳𝑬𝑺 𝑫𝑶 𝑰.𝑬.𝑺 PASTORIZA

Día: 𝑴𝑨𝑹𝑻𝑬𝑺 𝟏𝟎 𝑫𝑬 𝑶𝑼𝑻𝑼𝑩𝑹𝑶 𝑫𝑬 𝟐𝟎𝟐𝟑

Hora: 𝟐𝟎:𝟎𝟎 𝑯.

𝕌𝕟 𝕤𝕒𝕦́𝕕𝕠 𝕕𝕒 𝔻𝕚𝕣𝕖𝕔𝕥𝕚𝕧𝕒 𝔸ℕℙ𝔸 𝕊𝕒𝕟 𝕄𝕚𝕘𝕦𝕖𝕝

Banco de libros da ANPA

 Ola familias!

Con moito pesar temos que informar que este curso a ANPA non ten libros para montar o empréstito ó que vos temos acostumados.

Como sabedes o noso banco de libros se nutre de donacións e este curso non tivemos.

Esperamos retomalo nos cursos vindeiros.

Un saúdo da Xunta Directiva.