Reunión de inicio de curso

O vindeiro martes 10 de Outubro ás 20:00 horas estaremos no salón de usos múltiples do IES Pastoriza para informarvos das nosas inquedanzas relativas ao comezo de curso e coñecer tamén as vosas para que, entre todos, poidamos resolvelas e conseguir un centro educativo de calidade.

𝐋𝐄𝐌𝐁𝐑𝐀𝐃𝐄!!!

Lugar: SALÓN DE 𝑼𝑺𝑶𝑺 𝑴𝑼𝑳𝑻𝑰𝑷𝑳𝑬𝑺 𝑫𝑶 𝑰.𝑬.𝑺 PASTORIZA

Día: 𝑴𝑨𝑹𝑻𝑬𝑺 𝟏𝟎 𝑫𝑬 𝑶𝑼𝑻𝑼𝑩𝑹𝑶 𝑫𝑬 𝟐𝟎𝟐𝟑

Hora: 𝟐𝟎:𝟎𝟎 𝑯.

𝕌𝕟 𝕤𝕒𝕦́𝕕𝕠 𝕕𝕒 𝔻𝕚𝕣𝕖𝕔𝕥𝕚𝕧𝕒 𝔸ℕℙ𝔸 𝕊𝕒𝕟 𝕄𝕚𝕘𝕦𝕖𝕝

Banco de libros da ANPA

 Ola familias!

Con moito pesar temos que informar que este curso a ANPA non ten libros para montar o empréstito ó que vos temos acostumados.

Como sabedes o noso banco de libros se nutre de donacións e este curso non tivemos.

Esperamos retomalo nos cursos vindeiros.

Un saúdo da Xunta Directiva.

Incidendias do inicio de curso

Ola familias!

Empezamos o novo curso, con moita ilusión. 

Deste sairá a nosa primeira promoción de bachareis! 

Inda que esperamos que todo vaia ben, contamos con que o luns empecen os problemas co transporte, polo que vos pedimos que nos comuniquedes cantas incidencias atopedes.

Podedes deixarnos os vosos comentarios no correo:  sanmiguel.apa@gmail.com

Gracias pola vosa colaboración.

A Xunta Directiva.

Charla para as familias.

Ola familias!

O próximo mércores vai a ter lugar unha "Conversa coas Familias" online cunha temática moi interesante por peleaguda: 

"Os nosos fillos ven porno, como actuar na familia?"

Non hai que inscribirse, so acceder a través do enlace que ven no cartel que vos adxuntamos.

Un saúdo da Xunta Directiva.

Aniversario

 Ola familias!

Onte a nosa ANPA cumpriu 20 anos!!

Botando a vista atrás, vemos que o traballo altruista e comunal de tanta xente non foi en vano.

Agora que o asociacionismo está en horas tan baixas e que levamos un monte de cursos sen chegar a ter nin o 10% de familias de alumnos como socias é un orgullo saber que ainda hai un nucleo que se resiste a deixar esmorecer todo no olvido e que segue a loitar para que o noso IES sexa un lugar mellor.

Parabéns a todos os que o fixeron posible.

A actual Xunta Directiva.

Becas Eurolingua

 Ola familias!

Quédalle unha semana para que finalice o prazo de solicitude a convocatoria das Becas Eurolingua deste ano.

Tendes ata as 23:59 do 19 de Abril para solicitar unha das 20 prazas para a realización dun Curso de Inglés en Irlanda, de duas semanas de duración durante o verán, todo incluido.

Está dirixida a estudiantes de secundaria maiores de 14 anos, estudiantes universitarios, de bacharelato ou formación profesional.

Tendes os requisitos e toda a información dispoñible neste enlace.

https://www.becaseurolingua.com/

Un saúdo.

25N

Todo o mundo temos unha ferida marcada cando unha muller é maltratada.

E chega a data: 25 de Novembro, O Día Internacional da Eliminación da Violencia contra a Muller. Cada 25N preténdese visibilizar a problemática deste delito, así como a concienciación e denuncia do mesmo.

Nada que celebrar nesta data. Iso si, moito que lembrar, inculcar e non esquecer:

A Vilolencia contra as Mulleres:

· Non é violencia fortuita

· O factor de risco é ser muller

· A mensaxe é a dominación: ou te mantés no teu lugar ou terás que temer.

A Violencia de Xénero non é máis que a consecuencia máis grave dunha educación patriarcal que se recibe dende a máis tenra infancia. Somos crianzas a través dos nosos proxenitores, do noso profesorado, e da propia sociedade. Recibimos unha educación que se traduce no xeito que vemos o mundo ao longo da vida e que, xa na idade adulta, resulta moi difícil mudar. As consecuencias dunha sociedade machista non somentes se manifestan a través da violencia física, senón tamén en comportamentos e actitudes tan sutís que se adentran na nosa vida cotidiana e das que ás veces nen sequera somos conscientes: “Hoxe tócame facer de niñera”, “se che falgo falta na cocina avísame”, “Intelixente coma papá, bonita coma mamá”, “os homes non choran”… Estes son os micromachismos, un tipo de violencia branda e invisible, de baixa intensidade, que está moi relacionada coa sociedade heteropatriarcal que temos creada. É precisamente a facilidade coa que se agochan o que os define como altamente perigosos, danando invisiblemente á muller e a todas aquelas persoas que non entren dentro dos estereotipos sociais marcados.

Toca mudar a sociedade creando novas mulleres e homes que non clasifiquen as persoas en función do sexo-xénero. A infancia ten que decatarse de que a súa expresión corporal non ten porque encaixar nunha caixa tan pequena.

Está nas nosas mans, nas de todas construir unha sociedade igualitaria, sen micromachismos e polo tando sen violencia de xénero, porque ninguén pertenece a ninguén e cadaquén temos un oco neste pequeno mundo

33

5 veces compartido

Me gusta

Comentar

Compartir