Recollida solidaria do Grilo

Ola familias!

Dende hoxe, luns 13, ata o venres 17 teremos instaladas na entrada do IES unhas caixas para que o alumnado que o desexe poida deixar productos non perecedeiros. 

Esta recollida solidaria é a quinta que organiza a Asociación Cultural O Grilo, de Pastoriza. Todo o recollido está destinado ó Banco de Alimentos Rias Altas.

                                    

Lembrade que ha de ser o alumnado o que leve os artigos doados e que poden ser comida, productos de droguería, de limpeza, etc. Este ano poñen especial atención nas conservas, productos pediatricos tipo leites de continuación, papillas, potitos, etc.

Saquemos o noso lado máis humanitario e compartamos un pouco de Nadal con quen máis o precisa.

Moitas gracias pola vosa colaboración.

Parabéns o noso IES

Ola familias!

Hoxe temos que felicitar ó noso IES por acadar o 3º premio da categoría B dos premios Premio Boas Prácticas de Educación Inclusiva 2021 da Xunta de Galicia, dotado con 1.000€.

Presentaron un  proxecto baseado nunha alumna, diagnosticada con cegueira e afiliada da ONCE, que rematou a ESO no noso centro.

Para acadar o feliz resultado deseñaron un plan no que alcanzase o máximo desenvolvemento persoal, o éxito escolar e a integración total entre os seus compañeiros, a través da implicación do profesorado, persoal de apoio, persoal do centro, etc.

Empregaron as TICs e esináronlle a ser autónoma nas competencias dixitais.

Por outra banda, a propia alumna acadou o 3º posto nos premios da ESO ó esforzo e á superación persoal. Pouco premio nos parece para unha rapaza tan marabillosa.

Todo isto foi posible gracias á colaboracións con outras entidades, como a ONCE, e o Concello de Arteixo, por citar algunha, e á capacidade tecnolóxica do noso IES, que sempre invirte os 32.000€ que recibe cada ano do Concello, a través do Proxecto Arteixo Innovación en renovar, manter e mellorar os equipos do centro para que os nosos fillos sexan seres dixitalmente formados, tal como demanda o mundo actual.

Así que parabens os premiados, con especial agarimo a nosa exalumna, xa matriculada noutro centro onde segue ampliando os seus estudos.

Esperamos que o noso IES siga loitando e formándose para acadar a integración real de todo canto alumno pase polo IES Pastoriza.

Nova páxina do Facebook

 Ola familias!

Temos nova páxina no Facebook!

 ANPA San Miguel IES Pastoriza

A partir de agora será a que utilicemos para espallar as nosas novas.

Recollidas solidarias no IES

 Ola familias!

Dende o luns 22 ata o xoves 25 temos instaladas na entrada do IES unhas caixas para que o alumnado que o desexe poida deixar productos non perecedeiros para o Banco de Alimentos Rias Altas.

Esta é a primeira das dúas recollidas nas que imos colaborar este Nadal, posto que en decembro voltaremos a carga coa da asociación cultural O Grilo, pero diso xa vos falaremos máis adiante.

Lembrade que ha de ser o alumnado o que leve os artigos doados.

Moitas gracias pola vosa colaboración.

Eleccións o Consello Escolar

Ola familias!

Este mes vanse celebrar as eleccións ó Consello Escolar. 

Agora mesmo está en números vermellos.  

Segundo a norma, o Consello Escolar ten que estar formado pola dirección, xefatura de estudos, representante do Concello, ate un tercio de profesorado, un representante do persoal laboral e ata outro tercio que estará formado polas familias: 3 alumnos e 3 representantes nais-pais (un deles designado pola ANPA), máis a secretaria do centro que ten voz, pero non voto.

Actualmente quedamos un pai e a delegada da ANPA. Oficialmente consta que hai un alumno, pero van meses que non participa. Como vedes, estamos faltos de representación.

Deberiamos involucrarnos na vida do centro onde o mellor de nos, os nosos fillos, pasan a meirande parte do día e non hai mellor xeito de facelo que asistindo as reunións do Consello Escolar.

Temos que fomentar nos nosos fillos a participación nos órganos de decisión. Nestas idades tan tenras, nas que están reafirmando a súa personalidade e o seu caracter, poden aprender moito asistindo ós Consellos: a expresarse en público, a concretar ideas, a pelexar polo centro ideal no que querrían estudar...

O discurso máis inspirador que escoitamos nun Consello Escolar foi dado por un alumno xa graduado.

Así que explicade na casa a importancia que pode ter na vida do centro as decisións do Consello Escolar e sobre todo animade aos rapaces a dar un paso o fronte e asumir un pouquiño máis de responsabilidade dando voz ao alumnado. Seguro que teñen moito que aportar.

Tamén é preciso que se presenten varios pais, para poder tirar de lista se un representante causa baixa.

Tedes as bases e a circular informativa na páxina web do centro.

Se precisades calquer aclaración estaremos encantados de axudarvos. 

E lembrade, cantos máis nos presentemos mellor.

Un saúdo da directiva.

Reunión de inicio de curso

Ola familias!

Despois dun ano sen poder vernos as caras, imos facer unha reunión presencial!

O mercores que ven, día 20, as 21:00 poderemos xuntarnos no local social que está embaixo da biblioteca Miguel Sande, aquí, en Pastoriza.

Imos ter restriccións de aforo, polo covid, e teremos que tomar todas as medidas habituais nestes tempos:

Non vir se hai síntomas, uso de mascarilla e hidroxel, distancia social, etc e a maiores ímovos pedir nome e número de teléfono por se se da un gromo. Este listado será destruido os 15 días despois da reunión.

Como este local é un pouco dificil de atopar para os non iniciados no rueiro da parroquia, deíxovos a dirección:

Rúa Malveira, nº6.

As coordenadas: 

Latitude: 43.3313564

 Lonxitude: -8.4643505,68

Unha foto: https://goo.gl/maps/mzsPzfAv9EvNinmP8

E lembrarvos que NON é o que está o lado da EEI Barrionovo.

Todos sabemos o importante que é acompañar os nosos fillos na vida, e nestas idades, a educación é un dos aspectos máis relevantes para eles. Entre todos abarcaremos máis, nesta inmensa labor, polo que esperamos vernos o mércores 20, as 21:00, no local social grande de Pastoriza.

Un saúdo da directiva.

Problemas co Facebook

 Ola familias!

Non sabemos a que se debe, pero non conseguimos acceder a nosa páxina do Facebook, polo que nos queda só este blog para teros informados.

O correo electrónico e mailo teléfono seguen operativos.

Lamentamos as molestias.

Un saúdo.

Inicio de Curso

Ola familias!

Unha vez que o horrible curso pasado rematou, temos a esperanza de que este sexa moito máis amable e levadeiro para os nosos rapaces.

Neste 21/22 temos eleccións o Consello Escolar. Xa sabedes que a forma de estar mellor informado do que pasa no centro e pertencendo a ANPA e o Consello Escolar. Dende aquí vos animamos a participar, tanto alumnos como pais, nas eleccións próximas.

Tamén como ANPA precisamos ter socios. Curso tras curso vemos que non chegamos nin o 10% das familias do centro, polo que perdemos peso ante as administracións. 

Como a nosa Xunta Directiva estaba formada por familias de alumnos de 4º que xa se graduaron, precisamos xente que se implique en continuar coa historia desta ANPA e que aporte ideas novas e as súas opinións. Cantos máis sexamos, mellor.

Comezamos este curso publicando as existencias, a día de hoxe, do noso pequeno banco de libros. 

Se a Xunta non vos concede o total dos libros que precisades, se quedachedes fora do prazo da solicitude do banco oficial, etc, contade con nos.

Como sempre faremos o reparto cando o IES remate o seu, terán preferencia os socios e pode ser que en outubro non teñamos un libro pero que o recibamos a metade do curso. Lembrade que se nutre de donacións.

O noso ideal sería que non quedase nin un libro gardado no armario e puidésemos prestalos todos.

Xa sabedes que tendes colgando deste blog os formularios precisos tanto para facervos socios, como para a solicitude de libros e físicamente podedes recollelos no taboleiro que hai no IES fronte a conserxería. Se vos facedes socios, por favor, grapádelle unha copia do xustificante bancario o formulario, antes de metelo no buzón.

Graduación

Rostros felices, risas a esgallo, iso vimos o xoves 24 cando sobre a unha da tarde saían da graduación os alumnos de 4º da ESO do IES Pastoriza. 

Agradecidos polos detalles: a banda, a orla, o lápiz de memoria... pero sobre todo polo cariño dos seus mestres, tanto dos que lles daban clase coma dos que lla deran en curso anteriores. 

Foi o que máis escoitamos ós alumnos: "Estaban moitos profes".

Gracias de parte das familias polo acto, polo esforzo neste curso tan duro, pero sobre todo, polo cariño demostrado.

Recollida do Banco de Libros

 Ola familias!

O luns 21 durante o recreo o alumnado de 1º e 2º curso deberá entregar no local da ANPA os libros que lles foron prestados durante este curso. 

O martes 22, de igual xeito, tocaralle o alumnado de 3º e 4º curso.

Por mor do COVID terán que facer cola no corredor, coa máscara posta, gardando a distancia de seguridade, etc, como fixeron cando viñeron a recollelos

Pasarán de un en un ó local e se precisan libros para Setembro, encheremos o formulario correspondente e xa poderan levalos ese mesmo día.

Un saúdo da directiva.

Finalista na Olimpiada Matemática Galega

 Ola familias, 

Hoxe queremos celebrar unha gran noticia.

Un alumno do noso IES  e socio da ANPA pasou a final galega da Olimpiada Matemática de 2º da ESO de AGAPEMA (Asociación Galega de Profesorado de Educación Matemática)!!

Así que moitos parabens Rubén por ter pasado a eliminatoria e moita sorte e cabeza fría o día 20 en Lugo.

Estaremos todos apoiándote dende aquí.

Concurso conXéLAte

 Ola familias!

Con motivo da conmemoración do Día das Letras Galegas, que este ano se lle adica a Xela Arias, o Departamento de Lingua Galega e Literatura e o Equipo de Normalización Lingüistica do noso IES , organiza o concurso de lecturas compartidas "conXéLAte", no que animan a participar a toda a comunidade educativa.

Só teríades que enviarlles un pequeno vídeo cunha lectura compartida (coas vosas fillas e fillos) de textos da autora homenaxeada a conta de correo: 

equipo.normalizacion@iesdepastoriza.edu.es

Antes do 21 de Maio. 

Din que a participación terá recompensa.

Animádevos a participar!

Podemos crear un momento feliz dos que se lembran sempre.

Aquí vos deixamos o cartel tan estupendo que fixeron:

 

Escrito de queixa

 Ola familias.

Queriamos compartir con vos este escrito que enviamos a inspección educativa, o IES e tamén a educación do Concello:

Dende a ANPA San Miguel poñémonos en contacto, outra vez, para comunicarlles a opacidade coa que nos atópamos no IES Pastoriza.

A recente agresión que sufriu un mestre a mans dun alumno pon de manifesto que as medidas que se están a tomar para mellorar a convivencia non son as mais axeitadas, por non decir prácticamente nulas. Temos constancia a través das familias dos alumnos que presenciaron a agresión de que quedaron moi afectados e non se lles facilitaron ferramentas para facer fronte a situación vivida.

Consideramos que temos demasiados partes e expulsións, o que pon de manifesto que a forma de resolución de confictos no centro non é a máis apropiada, sobre todo no alumnado que presenta unha maior problemática ou situación máis desfavorable. A única información que se nos facilita son os datos trimestrais no Consello Escolar que apuntan cifras moi elevadas. Debería existir un reforzo positivo do alumnado tentando premiar os seus logros e evitando as sancións.

SOLICITAMOS:

• Poñer en marcha e convocar dunha vez a Comisión de Convivencia no noso centro, tal ecomo a lei establece, por considerala unha ferramenta fundamental para promover a resolución dos conflictos que a diario se dan no centro e na que estaría implicada toda a comunidade educativa (dirección, profesorado, alumnado, familias,…).

• Facilitar medidas de atención e protección para coidar ao alumnado que acumule partes e expulsión que poidan cubrir as súas necesidades (psicoloxía, servicios sociais,

...)

• Informar aos mestres, como parte fundamental deste proceso, sobre o alumnado que pola súa casuística (conflictividade, necesidade de apoio educativo,…) precise dunhas estratexias ou ferramentas específicas para a súa atención.

Ano tras ano leemos na Programación Xeral Anual o seguinte texto: “Polo que respecta ás características sociais e económicas da zona non se pode falar dunha situación favorable para o estudo e mesmo a convivencia. Unha das consecuencias inmediatas que determina esta situación é a do fracaso escolar do noso alumnado, ao que hai que engadir ademáis os numerosos problemas de orde social ou económica que contribúen a iso na sociedade actual: pouca motivación diante do estudo, perspectivas laboráis pouco estables, familias desestructuradas e con escasos recursos económicos, etc”.

Non estamos dacordo con este parágrafo porque non se axusta as características actuais socioeconómicas da zona, do concello e da inmesa maioria da comunidade educativa que formamos parte do IES Pastoriza. Ademais de ser unha visión totalmente negativa do alumnado que chega ao instituto.

Por outra banda, queremos mostrar o noso desacordo coa renovación do actual director pois pensamos que non está a cumplir co proxecto educativo presentado.

Escolas Unitarias de Arteixo

 Ola familias!

Todos sabemos que a calidade da ensinanza que se acada nas escolas unitarias e envidiabel.

Grupos pequenos, mestres vocacionais, trato familiar...

As súas vantaxes non poden competir coa masificación das grandes escolas do Concello. 

Agora está aberto o prazo de matriculación e fan falta nenos para que non as pechen. 

Non vos tenta?

Mirade que cartel tan chulo fixeron entre A Lagoa e Larín.

 Ola familias!

A ANPA de Barrionovo quere fardar de escola, por que realmente poden fardar de escola e como queren que siga así de ben e que moitos rapaces pasen por unha experiencia educativa tan gratificante andan buscando máis alumnos. 

Queren enchela ata os topes!! 

E nos os apoiamos, porque apoiamos a ensinanza pública de calidade. 

Botade unha ollada no seu Facebook:

https://www.facebook.com/604130616623289/posts/1349887278714282/

 Ola familias!

Chegou o tempo de solicitar praza se queredes cambiar a vosa filla de centro ou o voso fillo quere facer un bacharelato distinto os que oferta o IES de Sabón. É o momento de facer  papéis.

O prazo vai do 1 o 22 de Marzo.

Aquí tedes o enlace á páxina da Xunta con toda a información:

https://www.edu.xunta.es/admisionalumnado/

Solicitude o Claustro de Profesores

 Ola familias!

Como estamos a ver que os rapaces que están na casa sitiados polo COVID, pero non pertencen á aulas pechadas polo SERGAS están sen recibir clases, solicitamos o centro a ampliación do uso das "aulas espello", para que todos os confinados poidan acceder ás clases e deixen de ser os discriminados que reciben un monte de tarefas polo clasroom, pero non a explicación nin os coñecementos precisos para levalas a cabo.

Coma sempre, o escrito foi reenviado a inspectora de zona e seguirá o camiño que consideremos preciso ata que o problema se resolva. 

Deíxovos o escrito: 

Solicitude de Aulas Espello

Novidades na prestación farmacéutica

 Ola familias!

O estado ampliou a listaxe de preceptores da prestación farmacéutica, así que agora máis xente poderá acollerse a medicación gratuita. 

Entre estas novidades destaca a inclusión dos menores de idade cun grado de discapacidade recoñecida maior ou igual o 33%

Coa cantidade de alumnado que temos con necesidades educativas especiais, estamos encantados con esta nova axuda.

 Aparece na páxina 310, de onde sacamos este extracto do texto:

"8. Estarán exentos de aportación los usuarios y sus beneficiarios que pertenezcan a una de las siguientes categorías:

a) Afectados de síndrome tóxico y personas con discapacidad en los supuestos contemplados en su normativa específica.

b) Personas perceptoras de rentas de integración social.

c) Personas perceptoras de pensiones no contributivas.

d) Parados que han perdido el derecho a percibir el subsidio de desempleo en tanto subsista su situación.

e) Personas con tratamientos derivados de accidente de trabajo y enfermedad profesional.

f) Personas beneficiarias del ingreso mínimo vital.

g) Personas menores de edad con un grado de discapacidad reconocido igual o superior al 33 %.

h) Personas perceptoras de la prestación económica de la Seguridad Social por hijo o menor a cargo en régimen de acogimiento familiar permanente o guarda con fines de adopción.

i) Los pensionistas de la Seguridad Social, cuya renta anual sea inferior a 5.635 euros consignada en la casilla de base liquidable general y del ahorro de la declaración del Impuesto sobre la Renta de las Personas Físicas, y los que, en el caso de no estar obligados a presentar dicha declaración, perciban una renta anual inferior a 11.200 euros.»"

Aquí enbaixo deíxovos enlace o BOE.

 https://www.boe.es/boe/dias/2020/12/31/pdfs/BOE-A-2020-17339.pdf

E aquí tedes o impreso da solicitude: 

https://drive.google.com/file/d/13x7zqaayyY095M6AoYjmr8_us1QVDmQe/view?usp=sharing